बच्चा न होंय के कारन करत मारपीट

जिला महोबा, ब्लाक जैतपुर, गांव अजनर। एते के नीरज को आरोप हे ससुराल वाले ओर आदमी बच्चा न होंय को बहाना कर मारपीट करत हे, ओर छह महिना पेहले घर से निकार दओ हे। जीसे ऊ मायके रह के खाना खर्चा को मुकदमा लड़त हे।
नीरज बताउत हे कि मोई शादी 2010 में सिरमोन गांव के विक्रम के साथे भई हती। जभे शादी भई तभई से ससुराल वाले नींक न होंय को ताना देन लगे, ओर विक्रम मारपीट करत हतो। मे मारपीट सहत गई मेने सोचो की शायद सुधर जाये। पे छह महीना पेहले बच्चा न हों को बहाना कर खूब मारपीट करी हती, ओर घर से निकार दओ हतो। तभई से में अपने मायके में रहत हो। चार महीना पेहले मेंने विक्रम के खिलाफ खाना खर्चा को मुकदमा लग दओ हे। काय से कभे तक मताई बाप घर के साथे मोओ खर्चा झेलहें। मे सोचत हों कि मोये रहे खा घर ओर खाना खर्चा देत जाये में आपन अकेली बनी रेहों।
विक्रम को बाप सुखलाल बताउत हे कि हम नीरज खा कछू नई कहत हे। ऊ अपने से मायके में जाके रहत हे। ओर झूठो हमाये नाम मुकदमा कर दओ हे।