फैजाबाद के अखंड भारत एकता मिशन के लोगों ने अपने अधिकारों के लिए दिया धरना

जिला फैजाबाद, तिकोनिया पार्क। 16 सितम्बर का ग्यारह सूत्री मांग का लईके अखंड भारत एकता मिशन कै मनई विधवा, विकलांग पेंशन, गरीब बिटियन कै शादी, अनाथन का सहारा दिये जैसेन कइयो सूत्री मांग का लईके  तिकोनिया पार्क मा धरना प्रदर्शन करिन।

रामबली प्रजापति बताईन की कौनौ भी सरकार आवाथै जनता का बेवकूफ बनाय के चली जाथै। सिर्फ गरीबन का सतावा थिन, न ही कौनौ रोजगार मिलै न ही समय से मजदूरी।यही सब समस्या का लईके धरना दिया जात बाय। चन्द्र भान कै कहब बाय की अखंड भारत एकता मिशन के सहयोग मा आय हई फौजी भाई किसान भाई बेरोजगार का रोजगार मिलै येहि सब समस्या का लईके हमरे सब तिकोनिया पार्क मा इकटठा भा हई।

भानु प्रताप सिंह कै कहब बाय की तीन तीन बार बिधायक बनै कै प्रयास किहन पैसा खर्च भए। जब सरकार नाय सुनत तौ जनता काव सुने। सूर्यकला बताईन की विधवा विकलांग पेंशन, बेरोजगार मनई का रोजगार मिलै, अनाथ गेदहरन का सहारा मिलै, गरीब बिटियन का शादी कै अनुदान मिलै जैसे ग्यारह मांग का लईके धरना दिया जात बाय।

रिपोर्टर- आरती और प्रियंका

29/09/2016 को प्रकाशित