फुंका ट्रांस्फारमर, अंधेरे मा डूबा गांव

funka trnsfaram barethi ganva copyजिला बांदा, ब्लाक तिन्दवारी, बरेठी कलां। 6 मई का ट्रांस्फारमर फुंक जाय स पूरा गांव अंधेरे मा डूबा है, पै बिजली विभाग वाले बदलावैं का नाम नहीं लेत आय।
गांव के कनेक्शन धारक द्वारिका, गोरेलाल अउर उमाशंकर का कहब है कि इनतान के उमस भरी गर्मी मा बिना कूलर पंखा के रहाइस नहीं परै। जेहिके खातिर कनेक्शन लइके बिल भरत हन। अब 15 दिन से ट्रांस्फारमर फुंका परा है। दूसर धरवावैं खातिर 8 मई का पलरा बिजली पावर हाउस मा दरखास दीन है, पै कउनौ सुनाई निहाय। हम लोग गर्मी अउर मच्छरन के मारे रात रात भर सो नहीं पावत आहिन अउर मच्छर काटैं से बीमारी फइलैं का भी डेर है।
पलरा जेई संतोष कहिस कि 10 मई का नवा ट्रांस्फारमर धरा गा है। गांव मा मड़ई चोरी से कटिया ज्यादा फंसावत है। या मारे ट्रांस्फारमर फुक जात है। अब फेर दुसर धरावा जई।

रिपोर्टर – शिवदेवी