प्रधानमन्त्री आवास योजना, चित्रकूट जिले में घर तो नहीं बना रही है लेकिन सपने जरुर उजाड़ रही है

13 अक्टूबर 2017 को प्रकाशित

जिला चित्रकूट, ब्लाक कर्वी, गांव अकबरपुर। सरकार बहुतै सारी नींक-नींक योजना शुरू करत हवै जेहिमा से एक प्रधानमंत्री योजना हवै प्रधानमंत्री योजना का लाभ पावै खातिर बहुतै मड़ई कोशिश करत हवै पै सरकारी योजना का पूरा लाभ न मिल पावै के कारन अकबरपुर के नई दुनिया मा एक महीना से  बीस  आवास अधूरे पड़े हवैं

प्रधान प्रतिनिधि नत्थू लाल का कहब हवै कि नियम के हिसाब से नब्बे दिन मा आवास के दूसर क़िस्त आ जावा चाही।पै हिंया इनतान होत नहीं देखाई देत आय। श्यामा अउर बिट्टी का कहब हवै कि पहली क़िस्त मा चालिस हजार रुपिया निकले रहैं   तबै बालू , ईटा, छड़, दुई जोड़ी दरवाजा सब सामान आ गा  रहै पै अब दूसर क़िस्त न आवे के कारन आवास अधूरे पड़े हवै।प्रधान हमार पासबुक अपने लगे रखे हवै।कुन्नू,चमेली,कोदनिया अउर तेजिया का कहब हवै कि आवास बनावें खातिर रुपिया नहीं आय काहे से दूसर क़िस्त का रुपिया अबै नहीं मिला आय।कच्चे अउर टूट फूट घर मा रहै का मजबूर हन प्रधान  कहत हवै कि तीन महिना मा दुसर क़िस्त का रुपिया अई।

बाईलाइन-नाजनी रिजवी