पोखर बनल सड़क

सड़क पर लगल पानी
सड़क पर लगल पानी

जिला सीतामढ़ी, प्रखण्ड रीगा, पंचायत सिरौली द्वितिय गांव हरिहरपुर। उहां के सड़क डेढ़ सौ मीटर तक दो फीट गहरा होये से वर्षा के समय पानी जमा हो जाई छई। जेई कारण उहां हर समय गाड़ी पलटी होईत रहई छई।
उहां के लोग निलम देवी, राजकुमारी देवी, रामभजन सिंह कहलथिन कि इ एन.एच. 77 सड़क सीतामढ़ी से सोनबरसा जाये वाला हई। हरिहरपुर गांव में दुनु बगल से घनी आबादी हई अउर बीच में सड़क हई। जे लगभग डेढ़ सौ मीटर तक लम्बा अउर दु फिट सड़क गहरा हई। वर्षा के समय घुटना भर पानी जमा होये के कारण हमेशा टेम्पू पलट जाई छई। उ गड्ढ़ा खतरा के निशानी बन गेल हई। गड्ढ़ा के कारण जल्दी कोई टेम्पू वाला ऐई रास्ता से न अबई छथिन। जहां कभी से सड़क न रहलई। उहां पक्की सड़क बन गेलई। इ अतेक बढि़या सड़क जर-जर हो गेलई कि आई के दिन में सीतामढ़ी जाये के लेल सोचें के परई छई।
मुखिया विश्वनाथ भगत कहलथिन कि पथ निर्माण में आवेदन देल गेल हई। सड़क मरम्मत के लेल अभी कोई सूचना न हई। अब वर्षात के दिन भी आगेल
ग्रमीण पथ निर्माण के कार्यपालक अभियंता श्री विरेन्द्र ठाकुर कहलथिन कि जहां पर एन.एच. 77 सड़क हई। उ सब पर मरम्मती के काम चल रहल हई।