पैंसठ परिवार का नहीं मिला शौचालय

shauchalay  - Copyजिला बांदा, ब्लाक तिंदवारी, गांव खौंडा। हेंया के प्रधान एक सौ पचीस शौचालय 2014 मा मांगिस रहै। जेहिमा साठ शौचालय पास भे रहैं। या मारे पैंसठ परिवार शौचालय के मांग प्रधान से करिन है।

गौरा, रेखा अउर मुन्नी का कहब है, ’10 मार्च 2014 का खुली मीटिंग भे रहै जेहिमा हम शौचालय के मांग कीने रहन। प्रधान रामप्यारी हम सब का नाम लिस्ट मा चढ़ाइस रहै। गांव मा बहुत लोगन का शौचालय मिल गा, पै हमैं काहे नहीं मिला। प्रधान कहत है कि शौचालय कम आये हैं। अबै तक छूर रीतु रहै तौ नींक रहा है। अब बरसात मा खेत शांैच जाय मा बहुतै दिक्कत है।’

प्रधान रामप्यारी का कहब है कि 30 मार्च 2015 का बचे लोगन के लिस्ट बना के तिंदवारी ब्लाक मा जमा कई दीने हौं। अगर पास होइहैं तौ दीन जइहैं।

तिंदवारी ब्लाक के सहायक विकास अधिकारी आर.बी. सिंह बतावत हैं कि साठ शौचालय बन चुके हैं। अब नई लिस्ट आई है तौ बजट पास होय मा शौचालय बनवाये जइहैं।