पैंतीस घर कै मनई बेघर, जरिन गाय अउर मनई

taza finalजिला अम्बेडकरनगर, ब्लाक कटेहरी, ग्राम पंचायत जीवधरपुर, गंाव विसुनपुर। हिंआ 22 अपै्रल 2016 कै दोपहर 1 बजे गड़ही किनारे फेकी राखी से आगि लागि। पैंतीस घर जलिके राखी होइगै। जेहमा एक गाय, एक मनई भी पूरी तरह से झुलसी गै हईन।
गांव के भागीरथी कै कहब बाय कि मई महीना मा बेटवा कै शादी बाय। शादी कै सामान सब लाई कै धरे रहेन जलिकै राख होईगै। गौतम वर्मा, छोटेलाल वर्मा, सावनपती कै कहब बाय कि गड़ही के किनारे सब मनई चुल्हा कै राखी फेंकाथिन। कोठ मा आगि लागै से तेज हवा के कारण एक के बाद एक घर जलै लाग पूरा गंाव मा अफरा तफरी मचिगै। गोहार लाग गंाव कै मनईन बाल्टी लइकै आग बुतावै चाहिन लकिन सफलता नाय मिली। सूचना पै फायर बिग्रेड मशीन आय आग कन्ट्रोल न कई पावै के कारन टाण्डा एन.टी..पी.सी. से तीन फायर बिग्रेड मशीन अउर दुई अकबरपुर से छह फायर बिग्रेड मशीन पांच घंटा बाद आग बुताय पाइन। तब तक पैंतीस घर जलिके राखी होईगै। सावनपति कै कहब बाय कि घर के साथे-साथे हमार एक गाय भी पूरी तरह झुलसी गै।
घटना स्थल पै तहसीलदार सुदामा वर्मा, लेखपाल दीपचन्द्र शुक्ल, नायब तहसीलदार रामसूरत पाल, सांसद हरिओम पाण्डेय, स्वास्थ्य राज्य मंत्री शंख लाल मांझी सब पहुंचिन अउर मुआवजा दिलावै कै आश्वासन दिहिन।
ग्राम प्रधान अनिल पाण्डेय कहिन हम सचिव का बुलाय कै सब सर्वे कराय कै दुई दिन मा सबके घर मा एक कुन्टल गेहूं एक कुन्टल चावल दिलाउब अउर हमार जहां तक प्रयास बाय कि जल्दी प्रशासन से बात कई कै सबके घरे लोहिया आवास बनवाय देब।
लेखपाल दीपचन्द्र शुक्ल बताइन कि हम सब देखभाल कई कै लिख पढ़ी कै सब आपदा समिति का भेज दियब जवन कुछ मुआवजा मिले सबका मिले।