पेंषन खातिर भटकत मनई

GONV FAINALजिला अम्बेडकर नगर, ब्लाक कटेहरी। हिंआ कइयौ गंाव कै मनई पेंषन खातिर भटकत हइन। केहू कै वृद्धा पेंषन केहूं कै विकलांग अउर विधवा पेंषन नाय मिलत बाय। अधिकारिन के लगे जा तौ आए जाये इहै कहिके लउटाय दियाथिन।
सूरजूपुर कै राजपति, रामपियारे बताइन कि आठ महीना से ज्यादा होइगै पेंषन मिले तबसे नाय मिला। कइव बार पासबुक लइके बैंक गयन लकिन निराष लउटै का परा।
खेमापुर कै विद्यादेवी बताइन कि हमार विधवा पेंषन अबहीं तक एकौ दांय नाय मिला बाय। कइव बार फार्म डलवायन पता नाय कइसे नाय आवत बाय। विकलांग सुरेन्द्र कुमार, राम जियावन बताइन कि पिछले सात महीना से पेंषन नाय आय बाय।
जिला समाज कल्याण अधिकारी के.एल. गुप्ता बताइन कि भुगतान मा मिले कमियन का दूर कै जात बाय। जिला प्रोवेषन अधिकारी अंजू सिंह बताइन कि जल्दी ही पेंषन धारक के खाता मा भुगतान कै दीन जाये। जिला विकलांग कल्याण अधिकारी भूपेन्द्र सिंह बताइन कि कार्यालय मा ग्यारह हजार एक सौ तिरान्वे पेंषन धारक कै नाम दर्ज बाय। विकलांग भरण पोषण योजना के तहत वित्तीय वर्ष के समापन तक दस हजार नौ सौ नवासी जने कै पेंषन भुगतान कै दिया गै बाय। जेकै बाकी बाय वकरे घरे-घरे जाए के सत्यापन कइके जानकारी इकट्ठा कीन जात बाय।