पेंशन की आश में निकरी जात उम्र

नई मिलत पेंशन
नई मिलत पेंशन

DSCN0482महोबा शहर, बिच्छू पहाडि़या, कांशीराम कालोनी। एते की ओरतन को आरोप हे की एक साल पेहले वृद्धा पेंशन के फारम भर तहसील में जमा करे हते, पे आज तक पेंशन नई मिली हे।
हिरिया बताउत हे की मोई उमर पैंसठ साल हे। पे हमें पेंशन नई मिलत हे। मोये एक लड़का हे ऊ भी पागल हे। मोओ भी ज्यादा काम नई करो होत हे। जीसे हमाओ घर को खर्च चल सके।
ब्लाक नम्बर 25 की देशरानी ओर ब्लाक नम्बर 16 की रामकली बताउत हे कि हमाई उमर सत्तर-सत्तर साल हे। हम दूसरेन को चूल्हा बरतन करके पेट चलाउत हे। एक साल पेहले फारम भर के तहसील में जमा करें हते। पे कछू पता नई चलो की काय नई मिलत हे। जभे की हमाये साथ वालेन खा पेंशन मिलन लगी हे। महोबा एस.डी.एम. प्रबुद्व कुमार ने बताओ कि जोन हमाये एते फारम आउत हे। ऊखे हम समाज कल्याण विभाग भेज देत हे। जांच में अपात्र हो हे एई से नई मिलत हो हे।