पुल टूटै से हुवत हादसा

taza fainal photoजिला अम्बेडकर नगर, ब्लाक भीटी अउर कटेहरी। हिंआ मड़हा, बिसुही अउर मझुई नदी के पुल बने सात साल होइगा। जेहपै बड़ा बड़ा गड्ढ़ा बनिगै बाय। जेसे कभौ भी बड़ा हादसा होय सकाथै। लकिन अधिकारी कर्मचारी कै ध्यान इधर नाय बाय।
आवै जाए वाले मनई धीरेन्द्र, सहदेव कुमार, गोलू अउर रमाकान्त तिवारी कै कहब बाय कि मड़हा, बिसुही अउर मझुई नदी कै कइयौ जगह पुल बना बाय। ई मायावती सरकार के राज मा बना रहा। तबसे मरम्मत नाय भै। जेहमा गड्ढ़ा बनिगै बाय। यहि पुल पै हमेषा गाड़ी मोटर साइकिल बस कै आवाजाही रहाथै। मेढ़वा घाट कै पुल तौ अबहीं एक साल ही बने भा लकिन सड़क धंस जाए से दुइनौ तरफ खतरनाक गड्ढ़ा बनिगै बाय। दर्जनौ मनई यहि गड्ढ़ा मा फंसि के हाथ गोड़ गवांय बैठा हइन।
एस.डी.एम संतोष कुमार वैष्य बताइन कि यकै जानकारी मिली बाय। पी.डब्लू.डी. विभाग का यहि समस्या का दूर करै के ताई पत्र लिखागै बाय।