पुलिस विभाग कै मनई दिहिन ज्ञापन

kasba copyजिला अम्बेडकर नगर, ब्लाक अकबरपुर। हिंआ कलेक्ट्रेट के सामने 2 अप्रैल 2016 कै पुलिस विभाग मा चयनित मनईन प्रशिक्षण कै मांग करिन।
उत्तर प्रदेश पुलिस विभाग मा चयनित मनईन मिथलेश यादव, रीना गुप्ता, अउर माधुरी बताइन कि हमरे सबकै भर्ती 2013 मा चयनित किया गै रहा। यकर अंंतिम परिणाम जुलाई 2015 मा घोषित भै रहा। पहिले बैच वाले अभ्यार्थी का प्रशिक्षण पै भेजा गै रहा। दूसरे बैच वाले मनईन कै दस्कत बीते फरवरी महीने मा कराये के बाद सरकार 28 फरवरी कै प्रशिक्षण पै भेजाय कै दिन निर्धारित करे रहिन। लकिन महीनन से ज्यादा दिन होईगै। विभाग मनईन का प्रशिक्षण पै नाय भेजिन जेसे सब मनई कै मानसिक तनाव बना बाय। यहीके ताई ज्ञापन दिन गै।
मुख्यरूप से रमानंद, सुरेन्द्र कुमार, रोहित, सोनू वर्मा, विजय कुमार, अनुजकुमार, रंजना, पूनम लगभग पचीस अभ्यार्थी उपजिलाधिकारी पंकज कुमार श्री वास्तव का ज्ञापन सौंपिन।