पुलिस नहीं लिखत रपट

13-05-15 Karvi MM 1 - Parvati webजिला चित्रकूट, ब्लाक मऊ, गांव अहिरी, पुरवा छिवली। हिंया के पार्वती का कहब हवै कि वहिके शादी मनसवा सत्यनारायण के साथे तीन साल पहिले कर्वी ब्लाक के गांव पड़री पुरवा डिलौरा भे रहै। पै मनसवा दहेज का लइके मारपीट करत हवै। अउर पेट मा बच्चा नहीं आवै देत आय। कर्वी कोतवाली मा 3 मई का दरखास दिहिस पै पुलिस रपट नहीं लिखिस हवै।।
पार्वती का कहब हवै कि मोर मनसवा सत्यनारायण दहेज मा पचास हजार रूपिया अउर चार पहिया गाडी़ मांगत हवै। यहिके पहिले शादी मा नहीं मांगिस आय। हम पांच बहिनी हन । हमार बाप महतारी गरीब हवै कहा से यतना रूपिया पइहैं। मोर पेट मा बच्चा आवत हवैं तौ मनसवा सत्यनारायण गोली खवा देत हवै तौ बच्चा भी गिर जात हवैं। 30 अप्रैल 2015 का मोहिका एक गोली ठण्डा के साथ खवा दिहिस हवै तौ 2 मई 2015 का तीन महीना का बच्चा रहै तौ खराब होइगा हवै। वा परिवार मा दूसर औरत से प्यार करत हवै यहै से बच्चा पैदा नहीं करै देत है। कर्वी कोतवाली का दीवान कालीदीन का कहब कि पार्वती थाना मा दरखास दे नहीं आई हवै।
मनसवा सत्यनारायण का कहब हवै कि या मोहिका झूठै आरोप लगावत हवै यहिके महतारी दवाई खवा दिहिस हवै।