पुलिस नहीं लगावत गश्त

जिला चित्रकूट, ब्लाक रामनगर,गांव बरिया अउर उफरौली के मड़ई लगभग पांच साल से रात मा पुलिस के गश्त लगावैं के मांग करत हवैं। यहिके खातिर मड़ई 20 मई का रैपुरा थाना मा कहिन, पै कउनौ सुनवाई नहीं भे आय।
बरिया गांव के शंकर अउर मुन्ना उफरौली गांव के किताबुन अउर अजय का कहब हवै कि रात मा बिजली नहीं रहत आय। या समय गांव मा चोरी होत हवैं। रात मा डेर बना रहत हवै कि बदमाश पकड़ न लें। काहे से कि या समय जिला मा बदमाश जयादा आतंक फइलाये हवैं। यहिसे मारे डेरन के इनतान के गर्मी मा भीतर रहैं का परत हवै। पुलिस के गश्त लागै तौ नींक होय। रैपुरा थाना के बड़े दरोगा श्रवण कुमार का कहब हवै कि रात 6 बजे से 3 बजे तक हर गांव मा एक दरकी पुलिस गश्त लगावत हवै। पुलिस का स्टाप कम हवै। यहिसे एक, एक दरकी सबै गांव मा पुलिस जात हवै।

रिपोर्टर – सहोद्रा देवी