पानी भराव ओर बरसात से आदमी परेशान

8बरसात शुरू होतई आदमियन खा परेशानी तैयार हो जात हें। कहुं अनाज के फसल बरबाद होत तो कहुं सब्जी के खेती, पे सरकार के एते से ई चीजन को मुआवजा नई दओ जात हे।
महोबा जिला में ई समय बरसात के कारन हजारो बीघा सब्जी के फसल किसानन के बरबाद हो गई हे। ई कारन जिला के सैकड़न किसान भूंखमरी के कगार में हे।
किड़ारी गांव के रामदेवी ओर रामप्यारी ने बताओ कि हमाई एक-एक बीघा खेती मदनसागर तालाब मे हे। ऊखो खीरा तरोई, भिण्डी, टमाटर के खेती बाढ़ से डूब गई हे। सब्जी के बीजा खरीदे मे ऊखो दो हजार रूपइया लगे हें। एई से ऊखो लगभग पचास हजार रूपिया को नुकसान हो गओ हे। अब देखने हे कि मुआवजा कभे तक मिलहे।
का ई किसानन के नुकसान से उनखा कोनऊ चिन्ता न रहै? जबै कि कर्वी कस्बा के ज्यादातर मड़ई सब्जी के खेती कइके आपन गुजर बसर करत हवै। या तौ एक उदाहरण हवै, पै अगर सच्चाई का देखा जाये तौ न जाने केत्ते किसान एसी परेशानी से जूझत हें। या समस्या सरकार का निपटाऐ खा जल्दी से जल्दी सोचे के जरूरत हे। तभई भारत देश एक नींक कृषि प्रधान देश बन सकत हे।