पानी खा लिए परेशानी

taza paani mahobaमहोबा जिला तालाब के लाने जानो जात हे, पे जभे एतें के गांवों की हालत देखी जाए तो पता चलत हे कि आदमियन खा पीये के लाने भी जलदी पानी नसीब नई होत हे।
महोबा में जोन तालाब जा कुअंन को पानी हे ऊ खारा होय के कारन से ऊ पीये के लायक नई हे। पानी कि जरुरत जो सब आदमियन खा हर समय होत हे। आदमी पानीे खे लाने कोषन दूरी से पानी लाये खा मजबूर हे। ई जिले को पनवाड़ी ओर जैतपुर ब्लाक सन् 2012-13 में डार्क जोन घोषित करो गओ हतो। ताकी पिये के पानी की समस्या दूर हो जाये, पे जा समस्या कम नई भई। पानी की टंकी कहूं बनत नइयां ओर कहूं बनत हे तो चालू नइयां, जा फिर पाइप लाइन टूटी परी हे। जेसेे ब्लाक चरखारी गांव स्वासामाफ में पानी की टंकी बने खे लाने केऊ दइयां सर्वे भओ हे, पे आज तक नई बनी हे। ओतई जैतपुर ब्लाक के अतरपठा गांव में लगभग दस साल पेहले .पानी की टंकी आज तक चालू नईं भई, ओर पाइप लाइन भी टूटी परी हे। ऐसे मुद्दन पे अधिकारीयन को जवाब अक्सर एई होत हे कि जल्दी ही समस्या को समाधान हो जेहे। जा फिर हमाये एते अभे तक ईखी जानकारी नई हती ।
लेकिन जा समस्या खा अगर जल्द ही समाधान हो जाये तो शायद जिले में पानी की समस्या ही न हो हे। पे आदमियन खा पानी के बदले आश्वासन भर मिलत हे। आदमी जो आस लगाए रहत हे कि कभे हमाई मांगे पूरी हो हं?