पात्र आदमी आवासन खा भटकत

तहसील में करत हंगामा
तहसील में करत हंगामा

। ई गांव में मत्सय विभाग से कालोनी आई हती। जीसे विभाग के कर्मचारियन ने आठ आठ हजार रूपइया लेके अपात्र आदमियन खा कालोनी दई हे। जीसे गांव के आदमियन ने 3 दिसम्बर 2013 खा तहसील दिवस में डी. एम. खा दरखास दई हे दरखास देके जांच करायें की मांग करी हे।
दिलीप, वासदेव, रामाधार ओर संतोष ने बताओ कि हमाये गांव में मत्सय विभाग के तहत कालोनी आई हती। जीखे गांव में पक्के घर बने हें ओई खा कालोनी दई हे। गांव में एक साल से मीटिंग नई भई, जीसे हम अपनी बात कोनऊ खा बता सकन। गांव के दलाल आदमियन से आठ-आठ हजार रूपइया लेके अपात्र आदमियन की कालोनी बनवा दई हे। हमाये बरसात में घर गिर गये हें। जीसे छपरा बना के रहत हंे, पे हमाये कालोनी बने की कोनऊ सुनवाई नइयां। एई से हमने 3 दिसम्बर 2013 खा तहसील दिवस में डी. एम. खा दरखास दई हे। ओर जांच करायें की मांग करी हे। जीसे गांव के पात्र आदमियन खा लाभ मिल सके।
मत्स्य विभाग के अधिकारी ब्रजभूषण ने बताओ कि हर साल एक गांव के लाने दस कालोनी आउत हंे। जोन केवट समुदाय खा दई जात हे। ईखे लाने हम गांव में खुली मीटिंग कराउत हें। जीमें सचिव प्रधान शामिल रहत हे ओर कालोनी हमई बांटत हे गांव में ज्यादा आदमी ओर दस आवास हे तो आदमी दरखास तो देबई करहे।