पात्रन का मिलै राशन कै सुविधा

फैजाबाद अउर अम्बेडकरनगर मा राशन कै घटतौली जगह-जगह सुनाई दियाथै। कि राशन कम दीन जात बाय या फिर पात्रन का न दइके अपात्रन का राशन दीन जात बाय। ई दिक्कत हर ग्रामसभा मा सुनाई दियाथै। कहू राशन कम दियै अउर पैसा ज्यादा लियै कै बात सामने आवाथै।
सरकार राशन ऐसन मनई का दियै कै नियम लगाये बाय। जे गरीबी रेखा से नीचे जीवन यापन करावथै। जेसे दुई जून कै रोटी मिल सकै। ऐसन परिवार का राशन मिले जेकै बी.पी.एल. सूची मा नाम होये। लकिन अगर सही से सर्वे कीन जाए तौ जे यच मा गरीब बाय वकै सूची मा नामौ नाय बाय। जे खेतिहर बाय वही के पास राशनकार्ड भी बाय। अउर उनका राशन भी तुरन्त मिल जाथै। गरीबन से हमेशा कोटेदारन से विवाद हुआ कराथै। जेकरे विरोध मा राशन कार्ड धारक डी.एम., एस.डी.एम. का ज्ञापन भी शौंपाथिन। अम्बेडकरनगर टांडा ब्लाक के डाड़ी बेलगरा मा कोटेउार के लापरवाही से कोटा निरस्त कै दीन गै। राशन दियै मा मनमानी करत रहे। अगर यही तरह से कोटा कै जांच हुवय तौ शायद हर गरीबन का सही तरीका से राशन मिल यकै। अउर उनका इधर-उधर न भटकै का परै। अउर उनका सही जानकारी हुवय कि कोटा पै कवन-कवन सुविधा आवाथै।