पांच नदी पार करके अवई छई लोग

8
अइसे ही कटई छई रास्ता

जिला सीतामढ़ी, प्रखण्ड सोनबरसा। इहां के लगभग दस गांव के लोग के रास्ता में पांच गो नदी पड़इछई। ओइ नदी पर आई तक कोई पुल या चचरी तक न बनल हई। इन्दरवा के अनरिया देवी सुनील राम, सीता देवी, सब कहलथिन कि एई रास्ता से दस किलोमीटर के दूरी तय करे के परई छई। लेकिन दोसर रास्ता से बाइस तेइस किलो मीटर के दूरी लगइय। अगर नदी मंे पुल बन जइतियई त हमरा सब के बड़ा ठीक होइतियई। हनुमाननगर के जगदेव राय कहलथिन कि हमरा सबके हाट बाजार अउर सरकारी काम करे सोनबरसा जाय पड़ईय। दोसर मौसम में त दिक्कत कम होई छई लेकिन बरसात मंे ज्यादा पानी होय से रास्ता बन्द हो जाई छई।
प्रखण्ड विकास पदाधिकारी श्री कांत ठाकुर कहलथिन कि बीस दिन पहिले पंचायत प्रतिनिधि के साथ बैठक भेलई। जेइमें सब के बतायल गेलई कि नदी में पानी आवे पर नाव देल जतई। झीम नदी में दु जगह पुल बन रहल हई अउर नदी पर पुल बनावैं के बात चल रहल हई।