पहाड़ में ट्रैक्टर पलटे से दो आदमियन की मोत

kasba for webजिला महोबा, ब्लाक कबरई, कस्बा कबरई, रमकुण्डा पहाड़। एते 11 जुलाई 2014 खा शाम 6 बजे टैªक्टर पलटे से दीपक ओर गनेशा की मोत हो गई हे। पुलिस ने लाश को पंचनामा भर पोस्टमार्टम खा भेजा दओ हे।
गनेशा के बाप कल्लू कुशवाहा ने बताओ कि मोओ लड़का लगभग 15 साल से टैªक्टर चलाये को काम करत हे। कभऊं एसो नई भओ हे। गनेशा के डेढ़ साल के बिटिया हे। अब हम का करबी केसे आपन परिवार को पेट पालहे। हमाये परिवार में सबसे बड़ो गनेशा हतो जोन परिवार को खर्च चलाउत हतो।
दीपक के बाप छोटेलाल गुप्ता ने बताओ कि मोओ लड़का अभे एक महीना से काम करन गओ हतो। गनेशा टैªक्टर चलाउत हतो ओर दीपक बेठो हतो। मोहल्ला के आदमियन ने बताओ कि गनेशा खाली टैªक्टर लेके पहाड़ में पत्थर भरन जात हतो। अगाऊं से दूसरों टैªक्टर आ गओ। ऊखे साइड देत में गाड़ी नई सध पाई ओर पहाड़ में गिर गओ। जीसे गनेशा की तुरतई मोत हो गई।े पुलिस ने 12 जुलाई 2014 खा लाशन को पंचनामा भर के पोस्टमार्टम खा भेज दओ हे।
कबरई थाने के एस.आई. मुन्ना खां ने बताओ कि अगर गनेशा ओर दीपक के परिवार वाले कारवाही करहें तो पहाड़ मालिक ओर टैªक्टर मालिक के ऊपर कारवाही करी जेहे। आदमी आपस में रूपइया ले देके समझौता कर लेत हे।