पन्द्रह साल से मायके मा करत गुजारा

10-06-15 Mavai Faizabad - Amauni Woman webजिला फैजाबाद, ब्लाक मवई, गांव अमौनी। हिंआ एक पैतिस साल कै मेहरारू पन्द्रह साल से अपने पन्द्रह साल के लडि़का का लई कै मइके मा अपने अम्मा के घर मा छोट दुकान धइ कै गुजारा करत हईन। पन्द्रह साल से पति अपने घरे रहै कै जगह नाय देत हईन।

कलावती गोस्वामी बताइन कि हमार शादी हैदरगंज थाना क्षेत्र के गंव रामनगर मजरा खेरवा मा बलदाऊ गोस्वामी के साथे 25 साल पहिले भै रहा। कुछ दिन बाद एक बेटा पंकज भै। फिर पांच महीना बाद से पति बलदाऊ अपने घरे नाय लई जातिन। पन्द्रह साल से अपने मैके मा रही थी। मैके मा पिता नाय हईन। दुई भाई हईन जवन आपन-आपन परिवार लईकै अलग हईन। वृद्धा महतारी के साथे रहीथी। पांच साल से बेटवा पंकज स्कूल मा वजीफा पाये रहिन। अउर कुछ पइसा मजदूरी कइकै पांच सौ रुपया से एक छोट के घर मा दुकान रखै बाटेन। यही से गुजारा कराथी। पति के खिलाफ बाराबंकी थाना मा मुकदमा करे रहेन पांच साल तक मुकदमा चला मुकदमा के तारिख पै कहियौ नाय जात रहिन। यह कारन मुकदमा भी बन्द होय गै। यतना हमरे लगे पइसा नाय रहा कि हम फिर दुबारा मुकदमा करी।