पढ़ाई मा परत असर

rauli klyanpur school taza web.जिला चित्रकूट, ब्लाक कर्वी, गांव रौली कल्याणपुर। हिंया पूर्व माध्यमिक स्कूल मा गेट नहीं लाग, बाउन्ड्री गिरी हवै, कक्षा के दरवाजा भी टूट हवै। इं सबै समस्या का खतम करैं खातिर बेसिक शिक्षा विभाग मा 2 मार्च का लिखित दरखास दीन गे हवै।
स्कूल मा पढ़ै वाले बच्चा सुनीता अउर कल्ली कहिन कि स्कूल मा गेट न होय से गांव के मड़ई स्कूल के मैदान मा बकरी चरावत हवैं अउर हैण्डपम्प भटर-भटर कइके बिगाड़ देत हवैं। यहिकर असर पढ़ाई मा परत हवै। पूर्व माध्यमिक स्कूल के अनुदेशक नम्रता का कहब हवै कि स्कूल मा कुल एक सौ उनसठ बच्चा हवैं। बेसिक शिक्षा विभाग मा हेडमास्टर लिखित दरखास कइयौ दरकी दिहिन हवैं।
बेसिक शिक्षा अधिकारी वीरेन्द्र सिंह कहिन कि लिखित दरखास मिली हवै। सरकार कइती से बजट अई तौ स्कूल मा गेट अउर बाउन्ड्री बनवाई जई।