पकड़ा गै सात बोरा गेहूं

taza fainal
पकड़ा गै गेहूं

जिला अम्बेडकर नगर, ब्लाक भीटी, गांव जिवधर छितूनी। 22 जून 2013 कै कोटेदार का कोटा कै राशन बेंचै जात समय मिझौड़ा चैराहे पै पकडि़ लिहिन पुलिस।
छितूनी कै राजाराम, सुभम बताइन कि गेहूं यहि महीना मा नाय मिला बाय। अउर कोटेदार तीस बोरा गेहूं लाद के बेंचै जात रहे। जब हमरे सब देखेन यकै जानकारी एस.डी.एम, सहायक पूर्ति अधिकारी अउर अहिरौली थाना का दिहेन। अउर एस.डी.एम रतिभान सिंह के कहे पै अहिरौली थाना कै पुलिस मिझौड़ा चैराहे पै कोटेदार का पकडि़ लिहिन।
भीटी कै एस.डी.एम रतिभान सिंह बताइन कि सहायक पूर्ति अधिकारी का कोटा के जांच करै ताईं भेजा गै बाय। सहायक पूर्ति अधिकारी हरिनाथ बताइन कि कोटेदार के घरे ताला लाग बाय। जहां पै राशन रखा जात रहा वकै सत्यापन नाय भै बाय। जब जांच किहेन तौ पता लाग बीस अन्त्योदय कार्ड अउर बीस बी.पी.एल कार्ड वालेन कै बयान मिला बाय कि यहि महीना गेहूं नाय मिला बाय।