न मिलल छात्रवृति

छात्रवृति के लेल आयल विद्यार्थि
छात्रवृति के लेल आयल विद्यार्थि

जिला शिवहर प्रखंड तरियानी राजकिय मघ्यविधालय खाजेपुर एइ विद्यालय में सब जाति के लड़की के छात्रवृति मिललई। लेकिन अल्पसंख्यक जाति के छात्रवृति न मिललई। जेइ कारण अल्पसंख्यक वर्ग के लड़की सब दुखी छथिन ।
सातवा वर्ग के हिसरत खातून , खुशमुदा खातुन, आठवा वर्ग के गुलषन खातुन कहलथीन कि सब जाति के पोषाक राशि मिलल लेकिन हमरा सब के खाली पोषाक राशि मिलल। छात्रवृति न मिलल। जेइ कारण हमरा सब के मनोबल टुट गेल। गुड्डी खातून के माई सैबुन खातुन कहलथीन कि सब जगह अल्पसंख्यक जाति के छा़त्रवृति वाला रूपईया मिललई लेकिन एइ विधालय में न मिललई शिक्षक सब के कहइछी त कहई जाई छथिन कि अल्पसंख्यक जाति के छात्रवृति न आइल ह।प्रधानाध्यापक प्रभारी जारदेव महतो कहलथीन कि इ सब पहिले के प्रधानाध्यापक प्रभार के बात हइ। हमरा त अभी 1 मार्च 2015 के प्रभार मिलल। अई के लेल हम पहिलका कोनो बात न जनई  छी। जिला कल्याण विभाग के असिस्टेन्ट संजय कुमार सिंह कहलथीन कि एइसे त अंलप संख्याक में केतना जाति होइ छइ जेइमें अति पिछरा अंल्पसंख्याक जइसे कि कहार, कुजरा कवाड़ी इत्यादि के लेल पैतिस हजार छ सौ रूपईया दिसम्बर में ही आ गेल हई। त जिला के काम हई। भेजे के लेकिन कएला न मिललई से हम न जनई छी।