नियाव मागै मा समझौता का दबाव

mm banda - tlak ke bad sadi webजिला बांदा, ब्लाक नरैनी, गांव दतौरा। हेंया के शायरा का आरोप है कि वहिका पति अबरार बिना तलाक दीने दूसर शादी कई लिहिस है पति के ऊपर कारवाही करै के दरखास पति के खिलाफ 14 मई 2015 का बदौसा थाना मा दिहिस है।
शायरा बताइस- “मोर शादी दुवरिया के मजरा उसरा पुरवा के अबरार के साथै भे रहै। कुछ दिन तक मनसवा नीकं से राखिस पै बाद मा लाछन लगावै लाग। कउनौ भी बात का लइके मारत रहा है। ढाई साल पहिले मैं अपने मइके चली गई रहौ तौ बिना तलाक के शादी कई लिहिस है। मैं थाना मा कारवाही के मांग करे हौ।
पति अबरार का कहब है कि शायरा मोर कहा नहीं मानत है कुछ भी कहै मा आत्म हत्या करै चली जात है ।मइके अपने से गे है मोरे पास रहै तौ खाना खर्चा देहंू।
बदौसा थाना का एस. ओ. राजीव यादव कहिस कि थाना मा दरखास आई है। दूनौ पक्ष का बोला के समझउता करावै के कोशिश कीन गे है पै दूनौ पक्ष समझउता का तैयार निहाय। चार दिन का अबै दूनौ पक्ष सोचै का मौका दीन गा है। अगर समझउता मा राजी न होइहैं तौ रिपोर्ट लिखी जई।