नियम के दिऊ जानकारी

ghसरकार कन्या विवाह योजना के लाभ बी.पी.एल. परिवार के लोग सब के देई छथिन। लेकिन लोग सब सही से लाभ न उठा पवई छथिन। कयला कि केतना लोंग के फॉर्म  इधर-उधर रह जाई छई। केतना लोग के चेक मिलवो करई छई मगर जानकारी न रहे के कारण चेक घरे मे रह जाई छई।
जईसे कि शिवहर जिला में तरियानी प्रखण्ड के बेलहिया पंचायत में सरबरपुर गांव के कुछ लोग के अभी से चार-पांच महिना पहिले कन्या विवाह वाला चेक मिललई। लेकिन जानकारी न रहे के कारण इधर-उधर भटक रहल छथिन। अभी तक उनकर चेक घरे में रह गेलई अउर चेक के समय भी खत्म हो गेल हई।
एही तरह सीतामढ़ी जिला के रीगा प्रखण्ड में जनवरी महिना मे ही कन्या विवाह के दु सौ चेक वितरण हो गेलई। लेकिन बहुत अइसन लोग हई जिनकर खाता अभी तक न खुलल हई, उनकर चेक केना भजतई। अगर पहिले से इ नियम रहतियई कि लड़की के नाम से बैक में खाता खोले के, ओकरा बाद कन्या विवाह के चेक ओही खाता मे भजतई रं। यदि इ जानकारी सरकार पंचायत के जन प्रतिनिधि से करवा देतियई त जनता के अतेक दिक्कत न होतियई। काहे कि जानकारी न रहला पर लोग परेशान हो रहल छथिन। सरकार नियम निकालई छथिन लेकिन एकर जानकारी बहुत कमे लोग के होई छई। एई के लेल अथिकारी लोग के भी ध्यान देवे के चाहि। अगर सरकार योजना लागू कयले छथिन त उनका भी पलट के देखे के चाहि कि जनता के हक मिलल कि न।