निजी चिकित्सक का मिली फोन पै धमकी

जिला अम्बेडकर नगर, ब्लाक टांडा कस्बा इल्तिफातगंज, मोहल्ला आजाद नगर। हिंआ के जाने माने निजी चिकित्सक का जान से मारै कै धमकी फोन पै मिली।
निजी चिकित्सक डाक्टर बेलास बताइन किहम हाजी नूरुल्लाह जूनिय हाईस्कूल कै प्रबन्धक हई। अउर आपन निजी चिकित्सालय भी बाय। 12 मई के शाम के समय हमरे मोबाइल पै एक नये नम्बर से फोन आय। जवन जल्दी जान से मारि डारय कै धमकी दिहिस। धमकी के डर से हम इब्राहिमपुर थाना मा तहरीर दिहन। अउर कार्यवाही कै गुहार लगायन। लकिन एक सप्ताह बीत जाए के बादौ पुलिस का कउनौ सुराग नाय मिला। कउनौ अनहोनी न हुवय यकरे डर से हम हमार गेदहरै बाहर नाय निकरित।
इब्राहिमपुर थाना अध्यक्ष विजय कुमार सिंह बताइन कि मामला कै छानबीन गहराई से कै जात बाय। अबहीं तक पुलिस का कउनौ सुराग नाय मिला लकिन जल्दी ही आरोपी कै गिरफ्तारी होये।