नाली न बनै से परेशान

राजापुर कस्बा के नाली
राजापुर कस्बा के नाली

जिला चित्रकूट, ब्लाक पहाड़ी, कस्बा पहाड़ी। हिंया मेन रोड के नाली न बनै से बरसात के महीना बहुतै परेशानी होत हवै। यहै से हजारन लोग परेशान रहत हवंै।
कस्बा के मनोज, उमेश, अउर मीरा समेत दस लोगन का कहब हवै कि दस बरस से नाली न बनै के समस्या का झेलित हन। नाली बनै का नाम नहीं लेत। बरसात के महीना रोज के हजारन मड़ई परेशान रहत हवंै। गांव के सबै मड़ई बाजार करैं आवत हवंै। मडइन के कांदौं मा गांठिन से गोड़ घुस जात हवैं। बरसात निकर गे तौ मड़ई का भुला जात हवै। बरसात का पानी मड़ई के दुकान मा भरत हवै। यहै से दुकान का नुकसान होत हवै। सरकार या नाली बनवावैं का नाम नहीं लेत आय। नाली बन जाये तौ नींक हेाइ। प्रधान बद्री प्रसाद कुशवाहा कहब हवै कि वा सड़क राष्टी्रय राजमार्ग होइगा हवै। यहै से वहिका पी.डब्लू.डी. विभाग बनवाई।
ब्लाक रामनगर, कस्बा राजापुर। हिंया नाली बनै का काम तीन महीना से शुरू हवै। एक कइती नाली बनत हवै तौ दूसर कइती उधरत जात हवै। या कारन दुकानदार अउर आवैं जायें वाले यात्री समेत लगभग हजारन मड़ई परेशान हवैं। या कहिन कस्बा के कइयौ मड़ई।
कस्बा मा रहैं वाले कल्लू पहलवान अउर संतोष कहिन कि टाउन एरिया कइती से लगभग आधा किलो मीटर नाली तीन महीना से बनत हवै। हमरे दुकान मा ग्राहक सामान खरीदैं नहीं आ पावत हवैं। उंई कूड़ा कांदौ देख के दूर से लउट जात हवैं। अगर यहिनतान एक कइती से नाली बनी अउर अधरत जई तौ कसत जल्दी नाली बन सकत हवै। अगर जल्दी नाली बन जाये तौ हमार इं सबै समस्या खतम होइ सकत हवै। राजापुर टाउन एरिया के चेयरमैन लक्ष्मी प्रसाद का कहब हवै कि नाली जल्दी बनी।