नाली जाम स्वास्थ्य खराब

nali
नाली बिना जमा भेल पानी

जिला सीतामढ़ी, प्रखण्ड रीगा, पंचायत, गांव अन्हारी, वार्ड नम्बर छौ। उहां चार साल से नाली के पानी जाम  हई जेई कारण लोग के दिक्कत होई छई अउर स्वास्थ्य पर बुरा असर भी हो रहल हई।
उहां के चानो खातून, मोहम्मद मोनाज जानकी देवी इ सब कहलथिन कि शिवालक ठाकुर के घर से प्रमुख के घर तक नाली जाम हई। बरसात के छौ माह तक उपर के रास्ता पर पानी रहई छई। ओई कारण हमरा सब के रास्ता बंद हो जाई छई, आवे जाये में बहुत दिक्कत होई छई। पानी के निकासी न होय से हमरा सब के स्वास्थ्य पर बुरा असर परई छई। नाली के महक से रहल न जाई छई, घर के किड़ा, मच्छर घर-आंगन तक पहुच रहल हय। नाली के पानी निकासी होतीयई त ऐतना दिक्कत न होतियई।
मुखिया नूरजहां के पति इवराव उर्फ नंहे कहलथिन कि पहिले डवरा में पानी गिरईत रहलई, उ गांव के लोग भरके घर बना लेलथिन। जेई कारण से उहां नाली के पानी जाम हई।
प्रखण्ड विकास पदाधिकारी प्रभात कुमार बरूआ कहलथिन कि गांव के लोग के आवेदन देवे परतई, पानी के निकासी के लेल जगह के चयन कयल जतई।