नाली खड़ण्जा बिना गांव

069
बिना खड़ण्जा के गांव

जिला बांदा, ब्लाक तिन्दवारी, गांव अतरहट अउर ब्लाक बड़ोखर खुर्द, गांव गोयरा अउर मुगली। गांव के नाली अउर खड़ण्जा दूनौ टूट के धस गे है। गोयरा अउर मुगली वाले दुई साल से खड़ण्जा न बनै से परेशान है, पै इं गांवन के प्रधान नही सुनत आय।
गांव अतरहट के अरविन्द, जोगिन्द का कहब है कि रास्ता ना होय से गांव के मड़इन का आवैं जायै मा परेशानी आवत है। खड़ण्जा नीचे का घुस  गा है नाली टूट पड़ी है। पांच हजार के आबादी वाली पूरे गांव के मड़ई गाठिन से कांदौ हिलत है यहिसे गन्दगी रहत है। मड़ई बीमार होत है।
प्रधान श्रीराम का कहब है, बनी रास्ता मा मड़ई जानवर बांध के बिगाड़ दिहिन हंै। यहिसे गन्दगी रहत है। गांव वाले खुद सफाई रख सकत हैं। यहिनतान गांव गोयरा अउर मुगली वार्ड नम्बर नौ मा खडण्जा नहीं बना आय। न तो आर.सी.सी. आय। दुई साल से यहिनतान बरसात मा कच्ची माटी से रास्ता जाम होई जात है।
प्रधान मुबारक से कहित हन तौ सुन के टाल देत है। लागत है कि या रास्ता बन जाय तौ नींक होई जाय।
प्रधान मुबारक का कहब है कि अबै मैं एक जगह सड़क का काम लगाये हौं। जबै या काम होई जई, तौ हुंआ भी काम करा दीन जई।