नाली खड़ण्जा के समस्या

DSCN6373जिला चित्रकूट, पहाड़ी, गांव अशोह। हिंया का रामस्वरूप, रामआसरे, अउर रामरूप का कहब हवै कि सड़क अउर नाली दस बरस से बहुतै खराब हवै। या कारन मड़ई के घरन मा पानी भर जात हवै। यहिके खातिर कइयौ दरकी प्रधान से कहा गा हवै, पै वा कउनौ ध्यान नहीं देत आय।
गांव के रामचरण अउर रामेश्वर बताइन ”हमरे दलित अउर यादव बस्ती के सड़क अउर नाली नहीं बनी आय। यहै से पानी घरन मा भरा रहत हवै। गांव के रामकृपाल के हिंया से लइके चुनबाद के दुआरे तक सड़क अउर नाली खराब हवै। यहिसे निकरै बइठै मा बहुतै परेशानी हेात हवै। प्रधान हवै तौ मड़ई का सुनते नहीं आय। या समस्या से हम दस बरस से जूझित हन, पै कउनौ कुछ नहीं सोचत आय। प्रधान उमा उर्फ चित्रा के मनसवा भैरव का कहब हवै-“ गांव के मेन सड़क खराब तौ हवै पानी तौ पहिले से भरा रहत हवै। गांव के मड़ई कहत हवै कि नाली मेन सड़क मा मिलाव दें, पै गांव के अउर मड़ई विरोध करत हवंै। या कारन सड़क नहीं बनवा पावत आहूं।