नाय मिला विधवा पेंशन

जिला फैजाबाद, ब्लाक तारुन, ग्रामसभा विजैनपुर सजहरा जहद्दीपुर। हिंआ विधवा पेंशन न आवै से मेहरारून का काफी दिक्कत बाय।
विधवा मेहरारू, फूला, सूर्यकला अउर अनारा बताइन कि छह महीना से ज्यादा होइगा अबहीं तक हमरे सबकै विधवा पेंशन नाय आय। जेसे काफी दिक्कत कै सामना करै का परत बाय। एक तौ बेमौसम बारिस से फसल चैपट होय गै। अगर फसल भै हुवत तौ वही का बेंच के खर्चा चलावत। लकिन अबहीं खाय भरे का नाय भै बाय तौ बेंच कैसे जाये।
विधवा पेंशन ही एक सहारा बचा रहा। जवन छह महीना पै मिल जाए कै नियम बाय। लकिन सात महीना होइगा हमरे सबकै पेंशन नाय आय। अकेले मेहरारू खेती किसानी कइके गेदहरन कै पेट कैसे पाली। शासन प्रशासन  नाय जानत कि यतना कम पैसा उहौ छह महीना से नाय मिला। घर कै खर्चा चलाउब मुष्किल होइगा बाय। खेती के ताई बीज पानी कै इन्तजाम कहां से करै।
जिला प्रोबेशन अधिकारी रामबाबू विष्वकर्मा बताइन कि पहली किस्त कै पैसा भेजा जाए चुका बाय। दूसरी किस्त कै आनलाइन डायरेक्ट खाता मा जून महीना मा भेज दीन जाये।