नई होत सफाई, मच्छरन से परेशान

DSCN0153जिला महोबा, ब्लाक जैतपुर, कस्बा कुलपहाड़, गहरा पहाडि़या। एते बोटन के समय तो प्रधान नगर पालिका ओर ओते बेठे अधिकारी जाने लगत हे। अगर कोनऊ विकाश खा लेके बात करे तो आपन पल्ला इत्ती आसानी से झाड़त हे की कोनऊ खा पता तक नईयां। एसो कछू बताउत हे ओते के आदमी।
मोहल्ला के श्याम, रामकुमार ओर योगेन्द्र कहत हे वोट के समय भइया ओर दादा बन जात हे, ओेर पाव परन लगत हे। ई मोहल्ला मे दो सौ घर बने हे। आज तक न प्रधान सफाईकर्मी सफाई करें खा भेजत हे ओर न चेयरमैन। सब कहत हे जा मोहल्ला हमाये एते नई आउत हे। अगर वोट नई डारन जात हे तो अधिकारी लाठी लेके आ जात हे। एते गन्दगी के मारे झुण्ड भर मच्छर शाम होत लगन लगत हे। तनकऊ देर नई बेठ पाउत हे। द्वारे की सफाई करत केसर रानी ने बताओ कि अगर हम सफाई न करें तो गन्दगी के कारन बिमार होंय को डर रहत हे। निकरे में बदबू आउत हे। कुलपहाड़ नगर पालिका के अधिषाशी अधिकारी राकुमार उपाध्याय ने कहो कि जिम्मेंदार प्रधान हे ओर प्रधान गंेदारनी के आदमी गुमान सिंह ने कहो कि बड़े अधिकारी से कहो। एस.डी.एम. मोहम्मद रिजवान से बात करी तो साफ मना कर दओ, में ईमें कछू नई कह सकत हों।