नई मिले लोहिया आवास

बताउत समस्यां
बताउत समस्यां

जिला महोबा, ब्लाक कबरई, गांव पसवारा। ई गांव के सैकड़न आदमियन खा डाक्टर राम मनोहर लोहिया आवास नई मिले हें। जीसे ऊ दुबारा से जांच करा के लोहिया आवास की मांग करत हंे।
गांव के रामकरन, दशरथ, शिवनाथ ओर छिद्दू ने बताओ कि हम बोहतई गरीब हें। आपन परिवार लेके कोनऊ दिल्ली तो कोनऊ भट्ठन ईटा पाथन चले गये हते। लोहिया आवास के बारे में हमें कोनऊ ने जानकारी भी नई दई हे। न तो हमाये एकऊ पक्के घर हें ओर न हमाये जमीन हे। जीसे हमे बाहर जाने परत हे। अभे हम बाहर से आये हते। तो हमें गांव वालेन से जानकारी मिली हती। एईसे हमने एस.डी.एम. खा दरखास देके जांच कराये की मांग करी हे। जीसे हमें लोहिया आवास मिल सके।
प्रधान सत्यचरण ने बताओ कि मोये गांव में पचहत्तर इन्द्रा आवास ओर पैंतिस लोहिया आवास आदमियन खा मिले हें। गांव में एसे चालिस आदमी हें। जीखा लोहिया ओर इन्द्रा आवास मिले खा चाही। काय से ऊ सर्वे के समय परदेश में हते।