नई मिलत परिवारिक लाभ

जिला बांदा, ब्लाक कबरई, कस्बा श्रीनगर। एते की पैंतिस साल की ओरत कस्तूरी को आदमी पांच महीना पेहले मर गओ हतो, पे परिवारिक आय योजना लाभ को रूपइया अभे तक नई मिलो आय। जभे कि ऊने एक महीना पेहले फारम भी डारो हतो। एई से ऊ लेखपाल ओर वकील के चक्कर लगाउत हे।
कस्तूरी ने बताओ कि मोओ आदमी सुखलाल कुशवाहा जेठ के दशहरा के दिन मर गओ हतो। तभे से में अपने दो लड़कन खा लेके बनी मंजूरी से पेट चलाउत हों। मोये सास-ससुर ओर परिवार वाले कोनऊ साथ नई देत आय। तभई मोहल्ले को रहे वालो वकील सिद्ध गोपाल ने मोयेे सरकार से बीस हजार रूपइया मिलें को बताओ, ओर फारम भी भरवाओ। अब दो महीना फारम भरे होत जात हें, पे अभे तक कछु नई मिलो आय। वकील सिद्ध गोपाल ने बताओ हे कि ऊखों फारम भर गओ हे, पे लेखपाल बाबू खां ने कस्तुरी को फारम नई जमा करत आय लेखपाल बाबू खां ने कहो कि जभे में ओते जांच करें जेहों। तभई जांच की रिपोर्ट लगा के फारम जमा करहों, ओर कानून गो के एते भेज देहां।