नई आउत रास्ता बने की नोमत

कभे बनहे रास्ता
कभे बनहे रास्ता

जिला महोबा, ब्लाक पनवाड़ी, गांव फदना। एते वार्ड नम्बर एक को रास्ता पास होय के बाद भी एक साल से उखड़ो परो हे। प्रधान से केऊ दइयां कहे के बाद भी कछु सुनवाई नई होत आय।
एते के हरिदुलारी, कुटुआ, हरकुंवर, घस्सी ओर खेमचन्द्र बताउत हें कि हमाये ई पाल मोहल्ला की बस्ती में सी.सी. परे खे लाने एक साल से पास परी हे। पे अभे तक बने की नोमत नई आउत आय। ऊ बातउत हे कि एतई हैण्डपम्प लगो हे। जीखो पानी पूरे रास्ते में फेल जात हे। जा रास्ता हमाये बच्चन के स्कूल जाये की मेन हे। गिलाव में हेले के डेर से चार महीना बच्चा स्कूल तक नई जात आये। एइसे हम चाहत हे कि जा रास्ता में सी.सी न परे तो कम से कम खड़ण्जा ही पर जाय तो निकरें में आराम हो जेहे।
प्रधान वृन्दावन सिंह राजपूत ने बताओ कि ऊ रास्ता बने खे लाने पूर्व प्रधानी में पास भई हती। पे ऊ रास्ता में विवाद मच गओ। एईसे ऊ नई बन पाओ हे।