धू -धू कइके जला पावर हाउस, तीन लोग झुलसे

साथिन का जलै से बचावैं जला अम्बिका प्रसाद पाण्डेय
साथिन का जलै से बचावैं जला अम्बिका प्रसाद पाण्डेय

जिला चित्रकूट, ब्लाक कर्वी, बनकट पावर हाउस। हिंया 17 जून के रात मा दुइ बजे पावर हाउस मा आगी लागैं से भीतर काम करत बिजली करमचारी अबुल हसन, उदित नारायण पाण्डेय अउर अम्बिका प्रसाद यादव जल गें हवंै। तीनौं का रामकृपा अस्पताल मा इलाज चलत हवै।

बिजली करमचारी अम्बिका प्रसाद पाण्डेय कहिन कि मैं 1988 से बिजली पावर हाउस मा नौकरी करत हौं। पावर हाउस के मशीनैं 1965 के हवैं। पुरान मशीन होय के कारन इनतान का तीसर दरकी हादसा भा हवै। 17 जून का आगी लाग तौ अपने साथिन का बोलावैं गयेंव तौ आगी का गोला मोरे पीठ मा गिरैं से पीठ अउर हाथ जल गा हवै। अबुल हसन के मूड़ के बाल अउर उदित नारायण पाण्डेय के मूड़ के बाल अउर हाथ जल गा हवै।
कर्वी बिजली विभाग के जेई सुनील सिंह पटेल का कहब हवै कि उनके हालत नींक हवै। उनका इलाज मा जेत्ता रुपिया लागी वा दीन जई।