दौड़ते-दौड़ते तबाह छी

suar1
रामपरी देवी

जिला सीतामढ़ी, प्रखण्ड, पंचायत बथनाहा पश्चिमि, गांव लक्ष्मीपुर, वार्ड नम्बर दु। उहां के रामपरी देवी महेन्द्र मलिक लगभग एक साल पहिले सुअर पाले के लेल लोन लेवे ला आवेदन देलथिन लेकिन आई तक उनकर काम न भेलई।
इ कहलथिन कि हम बहुत गरीब परिवार से छी। हमरा पास पांच गो सुअर रहलक लेकिन अचानक बिमारी से पांचो सुअर मर गेलक। त फेर से सुअर पालन के लेल एक लाख् के लोन लेवे ला आवेदन
फॉर्म भर के देले छी अउर प्रखण्ड में अवई छी त सब कहई छथिन कि इहो से सब काम हो गेल हई अउर जिला कल्याण पदाधिकारी नाजिर सब नौ महिना से दौड़ा-दौड़ा के परेशान कयले छथिन।
प्रखण्ड कल्याण पदाधिकारी पवन कुमार सिंह कहलथिन कि इहां से सब काम कर के हम जिला भेज देले छी। इहां से कोई दिक्कत न हई। जिला कल्याण विभाग के नाजिर राजीव रंजन कहलथिन कि उनकर सब काम हो गेल हई। लेकिन अभी हम सब वोट में व्यस्त छी। ऐई के लेल काम रूकल हई। हम उनका कहई छी कि आहा जल्दी-जल्दी न आउ तइयों अबई छथिन। लेकिन उनकर काम वोट के बाद निश्चित हो जतई।