देखै खातिर सप्लाई नल

172722जिला चित्रकूट, ब्लाक मानिकपुर, गांव अगरहुड़ा, अड़गम बाबा का पुरवा। हिंया के कइयौ मड़ई कहिन कि सप्लाई नल मा पांच महीना से पानी नहीं आवत हवै। या कारन पानी खातिर हजारन मड़ई परेशान ह्वै  यहिके खातिर अबै तक जल संस्थान मा नहीं कहा गा हवै।
जल संस्थान का पम्प चलावैं वाला प्राइवेट करमचारी रम्मू हवै। वहिकर कहब हवै कि मशीन जल गे हवै। या कारन पानी के समस्या होइगे हवै। नई मशीन लगाई जई तौ सप्लाई नल मा पानी दीन जई।
पुरवा के ऐगसिया, अनारकली अउर गुडि़या का कहब हवै कि सप्लाई नल देखै खातिर हवै। वहिमा पानी नहीं आवत आय। का फायदा सप्लाई नल लगावैं से। पानी के चक्कर मा बच्चन का स्कूल जाये अउर मनसवन का मजूरी करैं खातिर देर होइ जात हवै। अगर सप्लाई नल मा पानी आवैं लागै तौ इं सबै समस्यन से न जूझै का परी। मड़ई या सोंच के सप्लाई नल लगवावत हवै कि पानी के समस्या न रही। काहे से हैण्डपम्प लगवावैं मा अउर ज्यादा खर्चा आवत हवै अउर जल्दी बिगड़ जात हवैं। हैण्डपम्प चलावैं का परत हवै, पै सप्लाई नल तौ नींक रहत हवै।