दुइ पीढ़ी से यहै समस्या

येत्ते पानी मा का होइ
येत्ते पानी मा का होइ

जिला चित्रकूट, ब्लाक पहाड़ी, कस्बा पहाड़ी। हिंया फूलमती, चन्द्रभवन, मीरा, कमलेश, लवलेश, समेत बीस लोगन का कहब हवै कि हमरे बस्ती मा हैण्डपम्प नहीं आय। या कारन तीन सौ मीटर सरकारी अस्पताल से अउर पालेश्वर नाथ इन्टर कालेज से पानी लाइत हवै। पहिले कुंआ रहै वहिसे पानी भर लावत रहेन। अब कुंआ का पानी कउनौ नहीं पियत। यहै से कुंआ का पानी गन्दा रहत हवै।
हिंया के मीरा, कमलेश का कहब हवै कि या बस्ती मा सबै जाती के मड़ई रहत हवै। सप्लाई वाला पानी कउनौ कउनौ के घर नहीं आवत हवै। आज कल तौ गर्मी मा पानी ज्यादा लागत हवै। कउनौ के घर मा शादी होत हवै तौ दिन भर पन्द्रह लीटर के डिब्बा से पानी लावै का परत हवै। यहै से प्रधान बद्री से कइयौ दरकी हैण्डपम्प अउर नल का कनेक्शन लेय का सप्लाई विभाग मा कहे हन
प्रधान बद्री प्रसाद का कहब हवै कि दुइ बरस पहिले हैण्डपम्प लगावै का मशीन बुला के बोर करवावा गा रहै पत्थर निकर आवा। यहै से हैण्डपम्प नहीं लाग आय।