दिन दहाड़े ताला तूरके भै चोरी

DSCF5052जिला फैजाबाद, ब्लाक मया, कस्बा बरईपारा। 18 मार्च 2015 का ताला तूरके चोरी होइगै। आलमारी से चोर जेवर अउर पांच हजार नगद उठाय लै गइन।
गुडि़या सिंह बताइन कि सबेरे साढ़े सात बजे हम गेदहरन का स्कूल भेज के अपुनौ ताला बन्द कइके स्कूल चली गयन। हमरे घर कै इनवार्टर बिगड़ गै रहा। एक प्रदीप नाम के मनई से कहे रहेन बनवावै का। जब वै आइन तौ देखिन ताला तूट रहा। सब सामान यहरी वहरी छितरान रहा। तब हमैं सूचित करिन। जब घरे आयन देखेन तौ आलमारी खोलके एक चेन, झुमकी सोने कै टप्स, दुई जोड़ी बाली एक पावजेब दुई पायल अउर पांच हजार नगद गायब रहा। आलमारी कै पूरा सामान छितराय के सब उठाय लै गा रहा। घर के बगल पड़ोसी के घर के तरफ से कूदके आयके खुरपी से ताला तूरागै बाय। खुरपी उखरिके वहीं परी रही।
महराजगंज थानाध्यक्ष जयषंकर सिंह बताइन कि अबहीं तक चोर नाय पकड़ा गा अहैं। छानबीन कीन जात बाय।