दारू पीके करत मारपीट

विमला बतावत
विमला बतावत

जिला बांदा, ब्लाक तिन्दवारी, गांव अतरहट। हेंया के विमला का जेठ देबिया तीन साल से मारपीट गाली गलौज करत है अउर हिस्सा नहीं देत आय। यहिसे विमला जेठ के खिलाफ चिल्ला मा 4 मार्च 2014 का रपट लिखावै आई है।
विमला कहिस-“मोर मनसवा लक्ष्मीनारायण का मरे तीन साल होइगे। तबै से दूनौ जेठ मोहिका परेशान करे हैं। रात मा दरवाजा खटखटावत है। 3 मार्च का 12 बजे रात मा घर घुसे अउर हाथ पकड़ के बाहर निकार दिहिन। घर मा ताला लगा दिहिन कहत है कि तोहिका हिस्सा ना देब। तोहिका जहां जाय का होय तौ जा। मैं इनके मारे नहीं रहैं पावत आहूं। मैं तिन्दवारी थाना मा रपट लिखावैं आई रहौं। मोर जीना हराम करे है। देबिया का कहब है कि मोर भाई शादी नहीं करिस आय अइसे राखे रहा है। अब भाई मर गा है या मारे विमला का न राखब अउर न ही हिस्सा देब।” चिल्ला थाना का दरोगा कमलेश यादव का कहब है कि दरखास लई लीन गे है। पुलिस का भेज के जांच कराई जई। अगर मामला सही पावा गा तौ आगे कारवाही कीन जई।