दारू के लाने करत मारपीट

जिला महोबा, ब्लाक पनवाड़ी, कस्बा पनवाड़ी। एते के पूनम की शादी 2009 मे हरनारायण के साथे भई हती। जीसे आदमी तीन साल के बाद आदमी हरनारायण दारू पीके मारपीट करत हतो। जीखी दरखास पनवाड़ी थाना मे दई हे। 2011 मे मुकदमा मे 8 महीना मुकदमा चला था। बड़ी बहन पूनम चलता रहा।
ऊषा कहत हे की हमने अपनी पसंद की शादी करी हती। शादी के पेहले हरनारायण कोनऊं नशा न करत हतो। हरनारायण पशु अस्पताल में चपरासी के पद मे काम करत हे। हम ब्लाक के पछाऊं सरकारी कमरा मे रहत हते। तीन साल से हरनारायण ज्यादा शराब पियन लगो हे। 2011 मे आठ महीना हमाओ केस चलो हतो। जीमें एस.पी. के सामने राजीनामा कर लओ हतो। अब जब भी अस्पताल से आउत हतो तो मारपीट करत हतो। जीसे मे बोहतई परेशान हो गई। दो महीना पेहले मेने ईखी रिपोर्ट पनवाड़ी थाना मे करी हती। हरनारायण कहत हतो की न मे दारू पिहों ओर न मारपीट करहों। पुलिस ने बुला के समझौता करा दओ हतो। ईखे बाद फिर हरनारायण नई मानो ओर ओई हरकत फिर करन लगो। दुबारा से 23 मई खा रिपोर्ट करी हती। पुलिस हरनारायण खा पकर ले गई हती।
आदमी हरनारायण बताउत हे की में कहत हों की मायके से मताई बाप ओर भाई आ सकत हे। ऊखी बहन की आदत खराब हे। जीसे मे मना करत हो, ऊ नई मानत हे। जभई ऊखी बहन आउत हे तभई लड़ाई होत हे।
पनवाड़ी थाना के मुन्शी प्रेमचन्द्र बताउत हे की हरनारायण खा धारा 151 के तहत चालान कर जेल भेज दिया हे।

रिपोर्टर – सुरेखा राजपूत