दहेज हत्या के खिलाफ पति, सास अउर ननद गइन जेल

mahila mudda final copyजिला अम्बेडकर नगर, ब्लाक कटेहरी, ग्रामसभा प्रतापपुर चर्मुखा, गांव अंकारीपुर। हिंआ 18 मई का एक आदमी पै अपने मेहरारु का दारु के नषा मा डंडा से पीट पीट के मारि डारै कै आरोप बाय। पति सहित तीन जने पै मुकदमा लिखा गै बाय।
गांव के मनइन कै कहब बाय कि सतेन्द्र शराब पीके आय रहिन। मेहरारु आरती प्रजापति कउनौ बात बोलिन तौ सत्येन्द्र डंडा लइके आरती का मारब शुरु कै दिहिन। आरती चिल्लात रहिन लकिन सत्येन्द्र मारब बन्द नाय करिन। सास ननद बचावै दौरिन तबौ लगातार मारत रहिन। आरती बेहोश होय गइन तबौ मारब नाय बन्द करिन। कुछ देर मा आरती कै मउत होइगै। पूरे गांव मा कोहराम मचिगै। वहीं कुछ मनइन कै कहब बाय कि आरती जहर खाये रहिन।
आरती कै पिता दहिरपुर गांव कै रहै वाला रामबहल कै कहब बाय कि 2012 मा शादी करे रहेन तबै से दहेज के ताई मारत रहिन। डेढ़ साल कै बेटवा भी बाय। 16 मई का भी मारे रहिन। 18 मई का घटना के दिन हमरे लगे फोन कइके कहिन कि तोहरे बिटिया कै बहुत ज्यादा तबीयत खराब बाय। जेतना जल्दी होय सकै वतना जल्दी आवा। जल्दीबाजी मा भागि के आयन तौ देखेन कि आरती कै लाश दुवारे परी बाय। तब तौ हमार होश उड़िगै। अहिरौली थाना पै सूचना दियागै।
अहिरौली थाना कै एस.ओ. ज्ञानेन्द्र सिंह बताइन कि पति सतेन्द्र सास कौशिल्या अउर ननद पुष्पा के खिलाफ दहेज उत्पीड़न दहेज हत्या के खिलाफ गिरफ्तार कइके जेल भेज दीनगै।