दहेज खातिर हत्या

banda mm - tindwari thanaजिला बांदा, ब्लाक तिंदवारी, गांव परसौड़ा। हेंया के राजेेश के ऊपर आपन औरत रागिनी के हत्या करैं का आरोप है। रागिनी का बाप राकेश तिंदवारी थाना मा 30 जून 2015 का रपट लिखाइस है। पुलिस 1 जुलाई का राजेश का दहेज अधिनियम के धारा लगा के जेल भेज दिहिस है।

छतरपुर जिला के सिमिरा गांव का रहैं वाला राकेश बतावत है, ‘आपन लड़की रागिनी के शादी बांदा जिला के गांव परसौडा मा राजेश के साथै कीने रहौं। रागिनी के उमर इक्कीस साल रही है। शादी के बाद राजेश दहेज मा एक मोटर साइकिल अउर एक लाख रूपिया मांगै लाग। मांग न पूरीे होय से रागिनी के साथै राजेश मारपीट षुरू कई दिहिस। मैं यतना दहेज दें से मना कई दीनेंव तौ तौ राजेष रागिनी का मार के फांसी मा लटका दिहिस अउर हमसे फोन से कहिस तुम्हार लड़की फांसी लगा के मर गे है।’

जेठ मुन्ना लाल बताइस है कि दहेज के मांग रागिनी से कउनौ नहीं करत रहा आय। वा झूठ आरोप लगावत रही है। तिन्दवारी थाना का एस.ओ. अजय सिंह बताइन है कि पति राजेष के खिलाफ मुकदमा लिखा है। अपराध संख्या 78/15 मा धारा 498ए (दहेज उत्पीड़न), 304बी (दहेज खातिर गैर इरादतन हत्या), 323 (मारपीट) अउर दहेज निषेध अधिनियम 3/4 लाग है।