दहेज खातिर ससुराल वाले गायब करिन लड़की

gujeni ganva mahila mudda pez copyजिला बांदा, ब्लाक बबेरु, गांव गुजेनी। हेंया के विद्या देवी का आरोप है कि दहेज के मांग पूरी न होंय से ससुराल वाले वहिके लड़की रुकमणी का 4 मार्च से गायब कइ दिहिन हैं। यहिके दरखास उंई चिल्ला थाना मा दइके नियाव के मांग करिन हैं।
विद्यादेवी का कहब है कि मैं आपन लड़की रुकमणी के शादी आपन हैसियत के हिसाब से खूबै दहेज दइके तिन्दवारी ब्लाक के पलरा गांव मा चार साल पहिले अरूण साथै करे रहौं। शादी के बाद से ससुराल वाले एक लाख रूपिया के अउर मांग करत रहैं। रूपिया के मांग पूरी न होंय मा लड़की साथै रोजै मारपीट करत रहैं अउर मइके भेज देत रहैं। हम लोग लड़की का हर दरकी समझा बुझा के ससुराल भेज देत रहन। यहिनतान 4 मार्च का भी लड़की का ससुराल वाले लेवागे । होंआ लई जा के पता नहीं लड़की का कहां गायब कइ दिहिन हैं वहिका कउनौ पता नहीं चलत आय। हम लोग पूरे रिश्तेदारी मा खोज बीन कइ लीन हैं अउर ससुराल वालेन से पूंछित हन, तौ उंई उलटा हमरे लड़की का बदनाम करैं खातिर भाग जाय का आरोप लगावत हैं। 13 मार्च का चिल्ला थाना मा ससुराल वालेन के खिलाफ दरखास दीन हैं।
रूकमणी के ससुर कमल पटेल कहिस कि दहेज के कउनौ बात नहीं रही न मारपीट कीन गे आय। वा घर से बाजार का बहाना कइके गे है। फेर घरै वापस नहीं आई आय। चिल्ला थाना का मुंशी कालका प्रसाद कहत है कि या मामला के जांच चलत है।