दहेज खातिर करिन हत्या

कमला के दुई मासूम बिटिया या जघा जली कमला
कमला के दुई  बिटिया या जघा जली कमला

जिला बांदा, ब्लाक कमासिन, गांव पछौंहा। हेंया 17 जून 2014 का उमेश के मेहरिया कमला के जलैं से मउत होइगे। कमला के दुई बिटिया हैं। सरधुआ गांव निवासी कमला के बाप महतारी कमासिन थाना मा रपट लिखा के नियाव के मांग करिन।

कमला के महतारी अउर बाप बुद्धराज बतावत हैं -“हम बिटिया के शादी 2010 मा करे रहन। शादी के बाद से उमेश सोने के जंजीर मांगत रहै। यहै कारन बिटिया के साथै हमेशा मारपीट करत रहै। 14 जून 2014 के शाम हाल चाल जानै का फोन करे रहेन तौ बिटिया बताइस रहै कि मोहिका बहुतै मारिन हैं। 15 जून 2014 का मोर छोट बिटिया अउर लड़का देंखैं गे तौ उनके सउहें भी मारिस पीटिस। उंई दूनौ मना करिन तौ उनका भी गाली गलौज करिस। मोर बिटिया लड़का चले आये तौ कमला का मारपीट के जला दिहिन। हम कमला के सास, ससुर, नन्द अउर मनसवा के खिलाफ रपट लिखावैं आये हन।“
कमला के ननद, सास, ससुर अउर मोहल्ला वाले कहिन कि मेहरिया मनसवा के बीच भें लड़ाई के बारे मा पता निहाय। दहेज खातिर कतौ मारपीट नहीं कीन गे। खाना बनावत समय जल गे है।
कमासिन थाना के इन्चार्ज एस.ओ. देवेन्द्र कुमार मिश्र कहत हैं कि इं जउन तान कहिहैं वहिनतान कीन जई।