दहेज के कारन लगा दई आगी

एस.पी. कार्यालय के बाहर ताज ओर भागवती
एस.पी. कार्यालय के बाहर ताज ओर भागवती

जिला फतेहपुर, गांव जहानाब, मोहल्ला पाटीगली। एते कि गुडडी खा ससुराल वालेन ने दहेज खा लेके 16 अप्रैल 2014 खा मिटटी को तेल डार के अगी लगा दई हे। जीसे 17 पै्रल 2014 खा ऊखी मोत हो गई हे। गुड्डी के मायके वालेन ने ईखी रिपोर्ट महोबा कोतवाली में करी हे। कोनऊ सुनवाई न होंय के कारन 5 जून 2014 खा दहेज प्रथा को मुकदमा लिखा एस.पी. खा दरखास देके कारवाही के मांग करी हे।

गुड्डी के मताई भागवती ओर भाई ताज ने बताओ कि हमने अपने बहन की शादी 27 मई 2011 खा महोबा के विनोद रैकवार के साथे करी हती। जभे से शादी करी तभई से सास ओर देवर दहेज खा लेके ताना देत हते। आदमी ेविनोद मोटर साइकिल ओर सोने की जंजीर मांगत हतो। जभे कि हमने अपनी हेसिंयत से ज्यादा दहेज दओ हतो। मोटर साइकिल नई दई तो विनोद दारू पीके मारत हतो। अभे विनोद धंधा करें खा पैंतिस हजार रूपइया मांगत हतो तो हमने कही की कछू दिनन खा रूक जाओ जभे हो जेहे तो दे देबी। 16 मई के दो तीन दिन पेहले विनोद ने फोन करके कहो कि अपने बिटिया खा लिवा जाओ नई तो लाश मिलहे। जभे 16 अपै्रल 2014 खा गुड्डी के अगी लगाई हे तो हमें नई बताओ हे। हमें दूसरन ने फोन करके बताओ हे। जभे हम जहानाबाद से महोबा आयें गुड्डी मर गई हती। ससुराल वालेन ने गुड्डी के साथे ऊखे छह महीना के बिटिया खा भी जला दओ हे। जोन आधी जली हे ऊखी हालत गम्भीर हे। ईखी रिपोर्ट लिखाउन हम महोबा कोतवाली गए हें पे ओते हमाई कोनऊ सुनवाई नई भई हे। एई से हमने 7 मई 2014 खा मुकदमा लिखा के एस.पी. खा दओ हे। गुड्डी के ससुराल वालेन ने बताओ कि घर में कोनऊ न हतो। में शुक्रवारी बाजोर में गोबर बीनन गई हती। ऊने अपने से आगी लगाई हे। ऊखे परिवार वाले दहेज खा ओर अेागी लगा के मारे को झूठो आरोप लगाउत हे। महोबा कोतवाली के एस.ओ. धरमराज ने बताओ कि पेहले हमें कछू सूचना न हती। अब ऊखो मुकदमा धारा 398ए (दहेज प्रथा) 304 (इलाज के दौरान मर जाना) 326 (गम्भीर चोट होना) व 3/4डी.पी. एक्ट के तहत मुकदमा लिख गओ हे। ईखी जांच सी.ओ. प्रदीप कुमार वर्मा करत हें। जांच के बाद कारवाही करी जेहे।