दस बरस से परेषान

जिला चित्रकूट, ब्लाक पहाड़ी, कस्बा पहाड़ी। हिंया का मड़ई दस बरस से राशन कार्ड खातिर परेशान हवै। यहिके खातिर प्रधान बद्री प्रसाद से कइयौ दरकी कहा गा, पै आज तक ध्यान नहीं दिहिस हवै।
हिंया के मंझा, भन्नूलाल अउर राजेश लगभग दस लोगन का कहब हवै कि हम गरीब दलित जाति के मड़ई आहिन, पै दस बरस से हमार कउनौतान के राशन कार्ड नहीं बने आय। प्रधानी जबै जीते का होत हवै तौ घर घर जा के हाथ गोड़ जोड़त हवै। जबै जीत जात हवै तौ घूम के देखत तक नहीं आय। हमै तौ एक जून भूखे सोवै का परत हवै। येत्ती कमाई भी नहीं आय कि नींकतान से घर का खर्चा चल सकै। गेहूं चावल तौ येत्ता ज्यादा महंगा मिलत हवै कि हम नहीं खरीद पाइत हन।
प्रधान बद्री प्रसाद का कहब हवै कि राशन कार्ड के फार्म भ जात हवै। सबै का बता दीन गा हवै कि खाता संख्या के फोटो कापी करवा के दइ दंे तौ राशन कार्ड बनवा दीन जई।