तीन साल से पन्द्रह हैण्डपम्प मे लगे समरसेवुल

panvadi-kasba-pani-ki-khabar-khabar-edजिला महोबा, ब्लाक पनवाड़ी, कस्बा पनवाड़ी, मोहल्ला जन्टपुरा के आदमियन को आरोप हे की हमाये मोहल्ला मे तीन हैण्डपम्प लगे हे। जीमें मोहल्ला के आदमियन ने कब्जा कर समरसेविल डार लओ हे। हम लोग तीन साल से पिये के पानी खा एते ओते भटकत हें।
कुन्दन, मुन्ना ओर नारायणदास बताउत हे की हमाये मोहल्ला मे तीन हैण्डपम्प लगे हे। दो हैण्डपम्प मे समरसेवुल डारे हे ओर एक मे ताला लगो रहत हे। हम लोग पानी के लाने दूसरे मोहल्ला मे जात हे।
हीरालाल ओर घसीटा बताउत हे की हम लोग दलित जाति के आदमी हे। मोहल्ला की आबादी लगभग ढाई सौ हे। हम लोग रात भर जाग के पानी भरत हे। पानी के कारन मजदूरी मे समय से नई जा पाउत हे। जीसे हमाओ परिवार केऊ दइयां भूखो सो जात हे। हमने प्रधान अखिलेश कुमारी के आदमी संजय दुबे से केऊ दइयां कहो हे। पे हमाई गरीबन की कोनऊ नई सुनत हे।
panvadi-kasbaप्रधान अखिलेश कुमारी को आदमी संजय दुबे बताउत हे की पूरे कस्बा के पन्द्रह हैण्डपम्प मे आदमियन से समरसेवुल डार राखे हे। ईखी लिस्ट बना के हमने थाना ओर ब्लाक मे दे दई हे। ओतई से हटाओ जेहे। काय से हमाई कोनऊ नईं सुनत हे।
वार्ड नम्बर तीन के जगन्नाथ चौधरी कहत हे की पेहले हैण्डपम्प खराब परो हतो। प्रधान से कहे पे नई सुधरो तो हमने समरसेवुल लगवा लओ हे।
रामप्रकाश कहत हे की हमने खुद से हैण्डपम्प लगवाओ हतो। पेहले आदमी पानी भरत रहो हे अब हमे परेशानी होत हे तो हमने अपने हैण्डपम्प मे समरसेवुल लगवा लओ हे।

रिपोर्टर – सुरेखा राजपूत