तीन महीना से नल खराब लोग परेशान

gao se khabar photo copyजिला महोबा, ब्लाक चरखारी, गांव बैहारी को किशन विश्वकर्मा कहत हे कि हमाये एते मोहल्ला मे एक हैण्डपम्प हे, ऊ भी तीन महीना से खराब परो हे। बीस बखरी के आदमी पानी भरन आउत हे। जीसे पानी की बोहतई परेशानी होत हे। तीन महीना से एक-एक बाल्टी के पानी खा बेठे रहत हे।
लक्ष्मी प्रसाद ओर हल्के सिंह कहत हे कि हम आधा किलोमीटर दूर से पानी भर के आउत हे, दूर होंय के करन खर्चा ओर पिये खा नईं भर पाउत हे। जित्तो हमे पानी नई लगत हे उत्तो जानवरन खा लगत हे। तीन महीना गुजरे के बाद भी अभे तक कोनऊ सुनवाई नई भई हे। हैण्डपम्प खराब होंय से पानी के लाने एक एक दिन मुश्किल परत हे।
प्रधान बृजेन्द्र कहत हे की हैण्डपम्प मे मोहल्ला के राजपूत हैण्डपम्प मे समरसेवुल लगायें हे। जीसे मोहल्ला के आदमियन खा पानी नई मिलत हे। जल्दी पाइप लाइन खराब हो जात हे। मे कछू कहत हों तो ओते के आदमी मारपीट के लाने तैयार हो जात हे। जीसे मे कछू नई करत हों।

रिपोर्टर – सरोज सैनी